تونستان و غزوة أبو لحيان الثورجي

بصراحة ما كنتش بش نتفرج في فيلم 

"PersePolis" 

خاطروا مش فيلم رعب اما هو وفى مينا و الفايسبوك مرتع البهامة تبلع بدعوات للجهاد و اغلاق نسمة...! الحاصل قعدت مبهم نتبع فالحكاية كالمتله ... ياخي حطتو و ركزت معاه برشا فوق اللازم زادة ... فنيا فيلم ميزيان و فيه برشا مساجات مهمة... مش الي ركزوا عليها لوخرين...

زيد هام زودمو على نسمة اليوم ! و زادو فازة "انا فسخت نسمة مالرسپتور" تي فاما 1000 قناة في نيلسات متع جهل و جهالوت و خرتو فيه كي فسختها ..؟؟
انا متأكد الي تفرجو في الفيلم داخلين ب

"préjugés"

و معارضين قبل مايشفوه فاش قام تتفرج فيه كي انت مش عاجبك ماللول.. باهي توة تفهمو فالسينما زادة توة .. الرسالة كانت ساهلة و بسيطة و مست برشا عباد هي : "الجهل سبب الحالة الي تعيشها ايران توة....الجهل مصيبة و تهديد خطير لاي مشروع" .. لازمنا نوعيو العباد و ننشر التعليم و نفيقو الناس بالخطر الممكن و الكائن و الراكش يستانى في فرصة..!! الشعب التونسي يسكر من زبيبة.... يموت عالمقاطعة و الريق البارد ... كان ما عجبكش لكلام طفي الضو و العب بعيد.. !
اش نموت عالقشور و الريق و الحكايات الفارغة و القضايا العقيمة و الحملات الضلالية التضليلية

 توة انا نكتب فلارتيكل و المعارضين خراولي في كيفي ! طايرولي الوحي ..... اه كلمة "وحي" كفر و عداوة للآسلام و ضد النهضة و يدكم