dimanche 8 avril 2012

انونيموس و كشف العورة

اليوم جاتنا هدية قيمة من "انونيموس" مجموعة اميلات متع الوزير الاول في الحكومة "حمادي الجبالي"!
كنز ثمين مخبي الطبة متاع النهضة، الوثائق الاولية عطاتنا فكرة على الاسلوب التجمعي الوقح الي وصلت به للحكم
 
1- متابعة يومية لأخبار الفايسبوك و الصفحات و آراء الناس
 
2- متابعة يومية دقيقة لوسائل الاعلام المكتوبة و المسموعة بشكل مفصل

https://www.anonymous-tunisia.org/archives/jbeli/%D9%88%D8%B3%D8%A7%D8%A6%D9%84%20%D8%A7%D9%84%D8%A7%D8%B9%D9%84%D8%A7%D9%85%20%D9%88%D8%AD%D9%85%D8%A7%D8%AF%D9%8A%20%D8%A7%D9%84%D8%AC%D8%A8%D8%A7%D9%84%D9%8A0001.;pdf 
****




3-تنظيم في العمل: خلايا جمعياتية، خلايا اعلامية، خلايا مراقبة مكلفة بالفايسبوك...الخ
 

https://fbcdn-sphotos-a.akamaihd.net/hphotos-ak-ash3/525386_305637302842910_226324197440888_750647_557401798_n.jpg
***
https://fbcdn-sphotos-a.akamaihd.net/hphotos-ak-ash3/551779_305638616176112_226324197440888_750658_1648908105_n.jpg

4- متابعة يومية للحملة الانتخابية في كل الدوائر مع مراقبة الخصوم السياسيين و تسجيل نشاطاتهم و عدد الحضور فيها و التفاعل
 
https://fbcdn-sphotos-a.akamaihd.net/hphotos-ak-ash3/526331_305674656172508_226324197440888_750744_1085006521_n.jpg
***
https://www.anonymous-tunisia.org/archives/jbeli/272.%2011_01_2012%20-%20%D9%85%D8%B3%D8%A7%D9%86%D8%AF%D8%A9%20%D8%A7%D9%84%D8%AD%20%D9%83%D9%88%D9%85%D8%A9.html.

5- كشف مصادر تمويل قطرية
6- تعاملات بين الحركة و سفارات تركيا و المانيا من اجل تلميع صورة الاسلاميين في اوروپا
7- كشف تزوير في الانتخابات
https://fbcdn-sphotos-a.akamaihd.net/hphotos-ak-ash4/301788_305711282835512_226324197440888_750833_632545472_n.jpg
 
و الباقي مازال قيد الفحص.....!!
اما المشكلة الاكبر هي: ما مدى صحة هذه الوثائق؟ و شنية الايملات الي خلاوهم على جنب "انونيموس"؟
ردة فعل التوانسة عالفايسبوك كانت في مجملها بين الفرحة و الشماتة للمعارضين و بين "طفي الضو" و "غطيوا عين الشمس بالغربال" لانصار الحركة ..... انا واحد من ناس نستنى في "المكذب الرسمي" و في التكذيب الحركي و في ردة الفعل الرسمية من "الاغلبية الحاكمة" .... لكن غدوة بش يكون فرصتنا لوضع النقاط عالحروف

jeudi 5 avril 2012

تعلّم الركوب على الثورة بدون معلم

توة بعد اكثر من 100 يوم من انطلاق مرحلة الانتشار الاداري للنهضة في كل كراسي تونس، معاد فما حتى كرسي فارغ في البلاد، كراسي الادارات و المؤسسات الحكومية تلهمڨو عليها جماعة النهضة و كراسي القهاوي تعبات بالبطالة!
الوعود مازالت وعود و كاينها ولات ارشيف معاد متلفتلها حد، و السلفيين اكتسحوا الشوارع و الجامعات و حتى السبيطارات (كيما صار ليوم في صفاقس) و ما رينا من البرامج الانتخابية كان طرف الورق الي تفرقوا في الحملة
آش مازال فيها الثورة
 كي تشوف وزير خارجية لا يحكي لغات لا يعرف عاصمة تركيا شنية؟
كي تشوف انتهاك حقوق الانسان قدام وزارة حقوق الانسان؟
كي تشوف الي مد صدرو للكرتوش منسي و محڨور؟ و الدولة كل مرة لاهية بحكاية آخرها "اليوسفيين" و الامور المستعجلة تنجم تستنى شوية!
الحكومة جدت عليها "خبز و ماء و بن علي لا" تحب تعيشنا عليهم بالرسمي، المحروقات ولات تحرق و القهاوي غلات و السلاطة المشوية التحقت بقائمة "الفروي د مار" و الكڢيار و الشامپاني، حاجات تشوفهم كان في التلفزة!
القرارت الرشيدة حجرت القلوب، الزوالي ميت بالشر و الطبقة الوسطى تحارب بش تبقى وسطى
!
وينوا التشغيل؟ ولى تشعيل؟
ويني المحاسبة؟ ولات محاسسة؟
وينهم الجرحى؟ ولاوا يعملوا قرحة؟
وينهم فلوسنا المنهوبة؟ والوا "كوستوم" ولا "روبة"؟
النهضة مسلطة علينا ذراعها الحركي السلفي و تلهي فينا بطرف شقاشق فارغة بش تبني "التيوقراطية الدكتاتورية الجديدة" و يقولوا عملنا ثورة!
ملخص لحكاية كيما قالت بنت طراد: "يا شهيد ارتاح ارتاح، سنواصل النكاح"