ولد خو مولى الباش ينسنس ....!!

نعمل في دورة على نفسي بين صفحات النت (هذاك حال الڨالڨ)، ياخي شدت إنتباهي (من شعرو) شوية اخبار طريفة و مبهرة و ان دلت على شيء فهي تدل على تدهور الحالة الي وصللها شعب تونس العقيم آه العظيم

1= المقال الي كتبتو بنت الشيخ رشودة : 

الارتيكل المحنون
مقال ملحيط .. دخلت بقوة من غير سابق إنذار... فاش قام عليك وخيتي؟؟ و سامحني يظهرلي ضربتك شمس تونس يا بنت مدينة الضباب !! باهي نفرضو النهضة جابت 20.1% مالاصوات أش عملنا ... مع العلم الي 20.1% > من 20% يعني بلMath الي حبيت عليه صار... مش بش تنفذ تهديدك؟ خاطر هكة تولي زلعتها بلفارغ !!

2 = بيان نقابة التلاميذ POCT :

نقابة الذراري لمكتب
لا برجولية ... تلاميذ؟؟ تي احنا العزلكة و الشياب و وحلنا فيهم و ماهم فاهمين شي من بوها السياسة ! خلي بش ندورها مفرخ؟ باهي تقلي نشر ثقافة سياسية في الاجيال الصاعدة.. نقلك إيا نطلعو الماء للصعدة و نبنيو زاوية زادة في كل معتمدية...مش كان نعلموهم يكتبو و يقراو و يخممو وحدهم بدون وساطة مش خير ...!!

3 = ميدعة (إإإإإيييهههه عندي برشة عليها الكلمة) مطابقة للشريعة :

خبر يشلك و يشللك
آه ها وخي اما شريعة!!؟؟ راهم ذراري قد الطرف... يخمو كان في الماكلة و اللعب و الحس و المرج و الفوشيك و البيس... تي حتى القراية مايخموش فيها .. زيد قلي بش نعملو مكتب للبنات و مكتب للولاد .. تي المكسب مكتب و واحلين فيه ..!! برا العب بعيد عيش بابا !!!

4 = انا :

إكتشاف عالمي و مصدر مجهول و مشكلة بلا حلول !!