حكاية فارغة!

مش بش نحكي سِيَاسة .. بش نحكي بِالسْياسة ..!

قمت نلقى الدنيا ظلمة في عينيا .. مديت يدي مشعل "پريكيا" ..

 بش نشوف وين يحط ساقيا ..

ماريت كان حجر الثنية ..

في الشارع عرضتني طفلة .. تبسمت و غمزت على غفلة ..

 قلتلي محلاها قفلة .. و انا لابس مريول ..

تطلعش تحكي ع السروال ..

ما عليناش .. لحكاية ما تهمناش .. و تخميج المخ ما يوفاش ..

شبينا ما شلقناش .. الي الطفلة ما فماش ..

و الي مازلنا ما قمناش .. و التليفون مازال ما صوناش ..

الخدمة و ما خدمناش .. مالسكرة مصحيناش ..

العيشة خنقة .. في كل طريق زنقة .. 

و الغصة و الشرقة .. يا مالخبز يا مالمرقة .. 

علاش الكل تخمم في الحرقة .. ؟؟

كلام الليل مدهون بالندوة 

شتا و صيف و .. كتلة وصيف ! 

تعڨد .. فز .. ڨوم