الميغا إسلام..!!

الميغا إسلام هو إسلام المجاهرة و التفزعيك... يعني الإسلام قدام المصورة و الإسلام الإستعراضي الي الهدف منهم غير واضح.... هذا النوع ماشي و يزيد خاصة منذ وصول الإسلاميين للكراسي... بداوها هوما بالرفع الجلسات للصلاة و صور الوزراء يصليوا على غفلة منهم....!
يحاول الإسلاميين إستغلال الصور هذي بش يغزلوا العلمانيين و اليسار الكافر الملحد و كل من لم يجاهر كيفهم بإسلامو ... الشي ماشي في زيادة كيما اليوم صور من العالم..... اعداد هايلة من المصلين في شوارع الغرب المعادي للإسلام و لكن في الوقت نفسو التصاور هوما بيدهم يثبتو إلي فصل الدين عن الدولة حاجة باهية و تسمح لهؤلاء بالصلاة في الشارع... معليناش

ونفس الصور في تونس بنفس التعاليق... ياخي بالله لحظة الي يصليو معاكم الكل إسلاميين؟؟ تي توانسة عياشة لقاو الجامع فارغ و صلاة العيد صلاة جماعة ياخي فركسو حضبة تصلي و الله لا يضيع أجرا...!! و بالطبيعة فيهم اليساري و العلماني و المش متطرف و الي حدوا حد روحو و الي يحب عاللمة و الي بش ما يحشّمش روحو مع ولاد الحومة و الأصحاب!

المنبر في الماء؟؟ اكثر حاجة وقفتلي مخي! علاه؟ شنية الهدف منو؟ لا تصميم مزيان لا منظر خلاب لا زبي!
قحب مريش قلك نحن أحرار نحطو المنبر وين نحبوا.... أي أحرار صحيح! حطوا المنبر وين تحبوا صحيح! أما علاه؟؟؟ و بالله الزلعات من نوع "سايح دخل الإسلام" خاطرو شافكم هكاكة نقصولنا منها راهي ماعادش توكل خبز..... ما فما حد يدخل لدين خاطروهم جاو يتزبرو قدامو بأعداد كبيرة... كونشي هددتوه بالقتل

 !