ڨالوا عملنا ثورة؟ ...شكون ڨالها؟؟

مالثورة المجيدة رينا كل اصناف الداعرين و البداية كانت ب"طلوع البدر علينا" بعد ما دام الكسوف مدة في مدينة الضباب...... كان الاستقبال الجماهيري للرب الروحي و بعدها الحملة الدعاوية للخلافة السادسة الي استعملت الخطاب الديناوي كاحسن وسيلة للدفاع قبل الهجوم و دعاء بدموع التماسيح من اجل كرسي خشبي !

تجاوزت التفاصيل خاطرها برشا و مش لازمنا الوقوف عالاطلال اكثر من هكة... الحاصل مشى زمان و جا زمان انفجرت الدعوى السلفية من اجل عزة الاسلام و نصرة الجلالة و هات من هاك الرويق! انتشروا كالدود في الجوامع يكفروا و يسبوا و يهددوا و برى عاد اش بش يسكتهم و يرجعهم للتراكين! الكمبة و القميص ولاو موضة العصر قبل المغرب بشوية و الناپ الاكحل الي يسميو فيه نقاب عوض اعوان البلدية في مسحان الكياسات و تطهير الطريق من النجاسة و تعويضها بالخصاصة بعدي عنا حكومة بصاصة ... بعدنا على شعارات المظاهرات الاولى و نسينا الاهداف المنشودة و وكلنا امرنا لملتقط الاشارات الربانية الي ماكانش مالعاكسين و بش يرد الخبزة بألفين و العظم فال !!

اهم القضايا الي تشوفها كي تحل التلفزة

-
الدفاع عن ارتداء اللباس السلفي للتشبه بسلف لا شافوه و لا عرفوه و لا قراوا عليه اما سمعوا شيخ فلان يخرف في خرافة امي سيسي في قناة تكفيرية بكاوا شوية كيما بكاوا على "نور و مهند" و فجأة تابوا لربي و ولاو علماء فقه و دين بدپلوم "مشاهد يومي للقناة كذا".

 المرحلة الي بعدها يزين سعدها : ساهلة برشا الشيوخ متاع التلفزة الي مغرومين بهم يجيبوهم بتأطير مالحزب الي يحسايب روحو حاكم و يتكفل بالمصاريف شوية اغنياء هداهم ربي بش يتوبوا و يغسلوا شوية ذنوب ببركة الشيخ فلتان قبح الله وجهه و يستقطبوا شوية شباب ضاقت بيهم الدنيا و مالقاوا حل كان في الرجوع لربي فماش ما تتحل في وجههم و يردوهم القوة الضاربة في وجه كل من يحل فمو و ينتقد ولا يعطي راي في الحكومة! تونس ماعادش فيها عباد عاديين عياشة عند زوز حلول يا سلفي و تنصر دينك يا كافر و ينحيولك جد بوك!

-

الجماعات المسلحة الي الناس الكل تتجاهل في وجودها رغم الي باب سوق ليبيا ولات متاع سلاح معادش متاع زهاز عروسات ! الفزاعة هاذي ماتساعدش في الوقت الحالي لازمها تتخبى لوقت الحاجة و السلفيين انجموا ساعات نخليوهم يعملوا إمارة اسلامية مدة نهيرين تلاثة كان تسمعت لحكاية نخرجوا جوكر التكذيب و التوضيح و نتلفوا الجرة و نحاسبوا الي خرج لخبر و هكة نكونوا رضينا الاطراف الكل و ندوروا نحلوا في مشاكل العالم

نسيت قضيّة اليوم: "تصويرة خذيرة و صاحبتو في الجريدة"

بكل موضوعية، لحكاية مش متع صفحة اولى و التصويرة بالكبر هذاكا مش متاع جريدة محطوطة في الاكشاك، المتعدي يكحّل على شبه بزازل و يكمل يتخيل وحدو الباقي مش حكاية اعتداء عالاسلام اما مش معقول تخلي الاعمار الكل يتفرجوا عالاقل المراهقين يحلوا الپرنو خلسة اما هذا طريق عام! و زيد الخبر غطى على كل الاخبار البايتة الاخرى و حول مركز التفكير و التصور مالمخ للي ما بين لفخاذ، يعني ماعادش يهمونا الزواولى الي قاتلهم الفقر والبرد ماعادش يهمنا كتابة الدستور و ماعادش مشكلتنا محاسبة الحكاية الكل محسوبية و ماعادش همنا التشغيل ولينا نفركسو عالتشعيل بكل انواعو ماعادش عنا حجة غير المرا و الجنس بش نخموا فيهم !

هرمونات متاطيرة في كل بلاصة و الڨحط اكتسحنا ! ما فما كان النيك و البونيطة هوما الي يناحيوا الستراس!

Les Ecorchures Du Coeur Ecchymotique

Un 14 Février, ça se fête ou?? 

Mon texte sera de couleur rouge, couleur de sang et d'amour, gardien du temps et portier du cœur trouillard expose la pâleur de la Tunisie. je m'exhibe en string devant les mouvements des naturistes "Néo-Afghans" et je regarde ces barbus avec leur tête de gland et en imaginant ces "mi-putes et totalement soumises" sous leur draps noirs. J'arrive à peine à regarder le soleil levant et à profiter de l'air frais de cet hiver glacial, le jour de la Saint Valentin ressemble à une pierre mémorielle cette année et gardera les souvenirs d'une révolution immature et une pudeur impure de ce peuple en pleine crise d'adolescence !
La Tunisie, par la féminité sensuelle de son nom, a perdu sa "virginité" et les mains de ses violeurs sont souillés par son sang. Elle ne fêtera plus l'amour et elle portera sa "Burqua" pour camoufler sa honte et cacher sa déception.

Ces pédopsycho-obesédés sexuels ont mis le pied sur le mauvais rivage, cette terre est pure et son souffle est long. Leur "philosophilie" "Wahabis" ou autres n'est qu'une tache de lait sur un drap blanc, notre "Omo" social fera l'affaire ! Enfin, j’espère !
Le jour de la Saint Valentin, je me forcerais à écrire un nouveau texte, je dessinerais le sourire sur mes lèvres pour qu'ils le copient sur leurs gueules de bois et qu'ils effacent les stries sanglantes sur leurs langues de lèche-cul. Je ne regrette pas cette révolution, je ferais de ses cendres une "évolution" et ma sélection naturelle favoriserait les plus faibles, parce que comme l'a dit Darwin "Celui qui n'évolue pas disparait"

شيوخ الهانة جاو بحذانا

من ابرز ما ربحناه مالحكومة النهضاوية منذ توليها مقاليد السلطة:

:

ـ الزواج العرفي: الي هو حسب وزيرة النساوين (مع احترام للمرأة التونسية اما الوزيرة طلعت راجل في مخها) حرية  شخصية و يبعد عالفساد (خاطرو مقبول شرعا) و كاينهم معادش بش يفرقو علينا الPréservatifs

في حملات التوعية بش يفرقو اوراق زواج.....خاطر الڨحط بزايد و البوس من غير محبة يڨطع الشفايف
 

ـ شهايد و ديپلومات في اختصاصات اسلامية و توأمة الزيتونة مع الازهر خاطرهم من اهداف الثورة المجيدة

تبارك الله عندنا علماء في كل مقهى من تونس نفركسو في اختصاصات جديدة، سوق الشغل ناقصة حملة الشهائد الاسلامية و الباقي الكل بين النازا و اليابان و الصين و روسيا .... اولويات يا ولدي اولويات

بش يشرفنا نتقاسموا زلعات المشيخة مع كل العالم العربي و نرجعو امة مستكة وحدة و نعيشوا نحبو بعضنا كرز و فقراء

- ملتحين و ملتحيات و منقبين و منقبات و سلاح في سوق ليبيا و جماعات و تورابورا الجاية في بوڨرنين..... و السلفية التكفيرية الي تكفر فينا كل يوم لين ولى التربريب اكثر من صباح الخير..... السلفية العلمية الي هوايتهم الجهاد ضد العلم و كل اشكال المعرفة السليمة الخارجة عن سرب السلف الصالح متاع 1هجري!

ـ ندوات و منتديات و محاضرات شيوخ الوهابية (من هيفاء وهبي الكلو تفاهات و بيعان الهوا) في كل شبر من تونس! ما فهمتش شكون الي جابهم؟ جايين ينفخولنا فيهم هاو ختان بنات و بول البعير و شيطان و جواري و عورات و زبوب و هرمونات و ڨحط و وبنة خاطيتنا و مش متاعنا جايبين الدعاة الي ارصدتهم في البنوك الاسلامية (خاطرها بلاش ربى يا زبي) أكثر من حساناتهم، يتفرهدوا في تونس بلدهم التاني، يبيعوا شوية دموع تماسيح على زوز آيات و طرف احاديث ضعيفة السند بش لعباد تنقص شوية مالاحساس بالذنب و البعد على ربهم الاعلى و يبداو يسمسروا في الحسنات و السيئات حاطين هدفهم الاعظم نصرت الاسلام و الفوز بالجواري..... ريق بارد خاطر الشعب جاهل من كل النواحي اول واحد بش يجي يفلم عليه بريق التوبة و الدين الصحيح و التكفير و التكبير بش يصدقو و يتبعو مغمض عينيه ! !
الحاصل الاتجاه واضح، مظاهرات و مسيرات مضادة و يتلها الشعب في الاسلام و التاسلم و التسليم بالامر و البحث عن المنكر..... 

و الزوالي في الثلج غارق و البطال مازال بارك و الحكومة فيها كان الفم الحارك و فلوس البلاد الي ماخذينها سلف قاعد تتصرف عالتلف و دقان لحناك، وين اهداف الثورة المزعومة؟ متخبية تحت برنوس لحكومة؟